સલામ હનિફ્ભાઇ

                                                લગ્નમાં પહોચવું તો હતું ૧૦ વાગે પણ થોડું મોડું થઇ ગયું. મેં રમેશને કાર ઝડપથી ચલાવવા કહ્યું તો રમેશે કહ્યું ” રસ્તો ખુબ ખોદાયેલો છે, કેવી રીતે ઝ્ડપ વધારું?”……. વાત સાચી હતી, કાંકરીઆ બાલવાટીકા જતો રસ્તો બેહદ ખોદયેલો હતો. વોટરપાર્કંમાં લગ્ન સ્થાને પહોંચતા ખાસ્સી વાર લાગી, પણ સદભાગ્યે લગ્ન વિધી હજુ શરુ થઈ ન હતી. અમે નિરાંતે બેઠા.

  લગ્ન ભરતની દિકરી નિકિતાના હતા, ભરત નાનો હતો ત્યારથી મારી નજર સામે મોટો થયો, પ્રગતિ પામ્યો, પરણ્યો,  સંપત્તિ પામ્યો, પરિવાર વિક્સ્યો અને તેના નિઃસ્વાર્થ સેવા ભાવે સહુની પ્રિત પામ્યો. મારામાટેતો એ પુત્રવત હતો. ભરતની સેવાપરાયણતાના કારણે તેને ત્યાં  શહેરના લગભગ  મોટા  ભાગના અગ્રણીઓ શોભામાં અભિવ્રુધ્ધી કરવા પધાર્યા હતા. સહુ કોઇ લગ્નવિધી શરુ થાય તેની આતુરતાથી રાહ જોઇ રહ્યા હતા. ત્યાંજ ઉપર ના માળેથી ઢોલ ધબૂકવાનો નાદ ગૂંજ્યો, સહુની આતુર નજર ઉપર તરફ વળી. ઢોલ અને શરનાઇના સથવારે નમણી,સુશોભિત કન્યાને તેના મામા હાથ પકડીને દોરી લાવતા હતા. જાણકારો આશ્ચ્રર્યથી સ્તભ્ત બની ગયા.  કન્યાને તેના મામા નહિં પણ ભરતના એક મુસ્લીમ મિત્ર હનિફ્ભાઇ મામા બનીને ચોરીમાં લાવતા હતા.

    હનીફભાઇએ કન્યાને ચોરીમાં પધરાવી, ચોતરફ તાલીઓનો પ્રચંડ નાદ ગાજી ઉઠ્યો. . હનીફ્ભાઇના બેગમ પણ  સાથેજ હતા. પછી મને ભરતે કહ્યું કે હનીફભાઇએતો ખસ્સું એવું મોસાળું પણ કર્યું હતું.  

  આજે ચોતરફ જયારે કોમી એખલાસની વાતો  માત્ર ભાષણો અને ઉપદેશો દ્વારા અર્થહિન રીતે થાય છે ત્યારે આવી વિરલ ઘટનાને મિડિયા જો વિશાળ પાયા પર પ્રસિધ્ધિ આપે તો કરોડોના જન સમુદાય પર તેની હ્રદયસ્પર્શી અસર થાય અને કોમી બંધુત્વની ભાવના ખુબજ દ્ર્ઢ રીતે ફલિત થાય.                                                                                

 ( સ્વાનુભવની ઘટના ) 

      

Advertisements

ઓગસ્ટ 24, 2009 at 4:26 પી એમ(pm) 25 comments

“હેતની ઝંખના”- લઘુકથા

બગીચાના હિંચકા પર બેસી  દાદીમા તેમના પૌત્ર અખિલને વાર્તા સંભળાવતા હતા.એટલામાં ચારેક વંદરાઓનું ટોળુ તેમના બગીચાના ઝાડ પર આવીને બેઠુ.દાદીમા વાર્તા સંભળાવવામાં મશગુલ હતા. પણ નાનો ચંચળ અખિલ એ ટોળા તરફ જોઈ રહ્યો.

એક નાનુ બાળ વાનર તેની માની આસપાસ કુદાકુદ કરતુ હતુ. તેની મા તેને ખેંચીને પોતાની ગોદમાં લઈ વ્હાલ કરવા લાગી.અખિલ બાળવાનરને વ્હાલ કરતી તેની મા સામે જોઇજ રહ્યો.

થોડીવાર પછી તેણે તેની દાદીમાનું ધ્યાન તેમની તરફ દોરી  પ્રશ્ન કર્યો. ” દાદીમા આ વાંદરાંના બચ્ચાને તેની મા વ્હાલ કરે છે તેમ મારી મા મને કેમ વ્હાલ કરતી નથી ?”

દાદીમા  ચુપ રહ્યા .અખિલે તરતજ દાદીમાને કહ્યુ ” તમે તો કઈ બોલતા નથી ?”

દાદીમા અખિલ સામે થોડીવાર જોઇ રહ્યા,પછી બોલ્યા ” બેટા ,તું બહુ તોફાન-મસ્તી કરે છે ને એટલે નહિ કરતા હોય .”

“દાદીમા આ વાંદરાનુ બચ્ચુ પણ કેટલુ તોફાન કરે છે તોય તેની મા તેને વ્હાલ નથી કરતી ? મારો નાનો ભાઇ આશિત મારા કરતા પણ વધારે તોફાન નથી કરતો?  તે દિવસે તો ઘરમાં કુદી કુદીને રમતો હતો અને બોલ મા ને આંખમાં વાગ્યો હતો  તોય મા તેને કેટલુ બધુ વ્હાલ કરે છે ? અને મને કેમ નથી કરતી ?

“બેટા આ પ્રશ્ન તુ તારા બાપુજીને જ પૂછજે ને !” કહી દાદીમા અખિલને દયનીય દ્રષ્ટીએ જોઇ રહ્યા.

ઓગસ્ટ 18, 2009 at 7:16 એ એમ (am) 7 comments

“લાચારી” -લઘુકથા

એક પ્રતિષ્ઠિત ચિત્રકાર ઉપર તેમના એક મિત્ર એવા ફિલ્મ ઉદ્યોગના મોટા ગજાના નિર્માતા-દિગ્દર્શક્નો ફોન આવ્યો . “શુભેન્દુ ,આપને મળવાની અને આપના ઘરની ચ્હા પીવાની તિવ્ર ઇચ્છા થઈ છે. તો આપને અનુકુળતા હોય તો આવુ ? ” ઘણા વર્ષો થયા આપની મુલાકાતને અને આપના ઘરની ચ્હા પીધાને. વળી આપની સાથે એક નવી ફિલ્મ બાબતમાં થોડી ચર્ચા પણ કરવી છે. ”

“અરે ; સાહેબ એમાં અનુકુળતાનો પ્રશ્ન કરવાનો જ ન હોય. આપે આવી તક ઉભી કરી એ જ મારૂં અહોભાગ્ય છે.” દિગ્દર્શક ચિત્રકાર મિત્રને ત્યાં પહોંચ્યા. બંન્ને ખૂબ પ્રેમથી એકબીજાને ભેટ્યા , થોડી ફિલ્મની વાર્તા અંગેની ચર્ચા શરૂ કરી .થોડા સમય પછી શુભેન્દુએ તેમની પુત્રવધુને અવાજ આપ્યો, “બેટા ; મહેમાન માટે ચ્હા બનાવો ”

શુભેન્દુ અને ફિલ્મ દિગ્દર્શક મિત્રે તેમની ચર્ચાનો દોર આગળ વધાર્યો. ત્યાં અંદરથી વાસણ પછાડવાનો -કપ-રકાબીના ખખડાટ્નો જોરશોરથી અવાજ આવવા લાગ્યો. દિગ્દર્શક ક્ષોભમાં પડીને બોલી ઉઠ્યા ,”ક્ષમા કરશો શુભેન્દુ ,અત્યારે મારે એક અગત્યની મિટીંગમાં જવાનું હતુ તે તો ભુલાઇ જ ગયું .આપણે ફરી મળીએ ” આટલુ બોલી દિગ્દર્શક ચાલી ગયા.શુભેન્દુની આંખમાં લાચારીના આંસુ સરી પડ્યા.

(સત્ય ઘટના પર આધારિત – પાત્ર નુ નામ બદલેલ છે)

ઓગસ્ટ 17, 2009 at 1:31 પી એમ(pm) Leave a comment

” હું ” – કવિતા –

હું , હું જ છું  ને  પામવા કંઇક મથુ  છું ,

દિશે  દિશ ઘુમતા ક્યાંક ખોવાઇ જાઉં છું.

દિલના દરિયામાં ડૂબકી મારું છું ,

મોતી સ્નેહના વીણવા મથુ છું .

ઉંચે આભમાં ઉડુ છું,

સૂરજમાંથી  પ્રકાશ પામવા મથુ છું.

વર્ષાની ધારથી ભીંજાઉ છું,

વિખરાયેલા વાદળને પકડવા મથ છું.

ભીની ધરતીની સોડમથી  મદહોશ થાઉ  છું,

ધરતીના કણે કણના ગુણ શોધવા મથુ છું,

માનવીમાં માનવીને પામવા માગુ છું,

મારામાં મારીજ નબળાઈને શોધવા મથુ છું .

ઓગસ્ટ 15, 2009 at 11:00 એ એમ (am) 3 comments

”મીઠી યાદ”-કવિતા-

કહી દો આ ઘડીને ,

કે ઘડી બે ઘડી થોભી જાય,

વહી ગયેલા એ દિવસોની યાદ,

ક્ષણભર માટે આવી જાય,

પળ બે પળ એ  મીઠી યાદને ,

દીલમાં અમે ભરી લઈએ,

અને  આપ જો રજા આપો તો

સ્વપ્નભરી નિંદ અમે માણી લઈએ

ઓગસ્ટ 12, 2009 at 10:21 એ એમ (am) 3 comments

”પ્રેમ-તર્પણ”-કવિતા-

વિરહમાં થાશો નહિ ઉદાસ- નજર કરો તમે આસપાસ

દેખાય છે તે નથી આભાસ- પામશો  મનમાં  અતિ ઉલ્લાસ,

ધરો નહિ મનમાં વિષાદ – આનંદે જીવો  સૌ સાથ સાથ,

કુદરતની કરુણા છે અપાર- થશે તમ સ્વપ્ના સાકાર,

ભાવિ દીસે છે અતિ ઉજ્જવળ -સુવાસે ભરો  શ્વાસ હરપળ ,

રાખો નહી જીવનમાં કોઈ દ્વિધા તો પામશો સર્વે સુવિધા,

ખંખેરી નાખો દીલની નિરાશા- જીંદગીની મંઝિલે ભરી છે આશા,

વહાવી પ્રેમગંગા કરજો તર્પણ – પ્રેમમાં તો હોય ઊંડું સમર્પણ .

ઓગસ્ટ 12, 2009 at 10:18 એ એમ (am) Leave a comment

”એકરાર” -કવિતા-

તમે ગયા અને અમે આવ્યા,

થોડી ક્ષણોથી અમે દુર રહી ગયા,

આપ્યુંતુ વચન, તોય  ચાલી ગયા,

પ્રેમનો એકરાર કરતા અમે રહી ગયા.

ઓગસ્ટ 11, 2009 at 10:12 એ એમ (am) 2 comments

Newer Posts


Blog Stats

  • 2,599 hits

Top Clicks

  • નથી
ઓક્ટોબર 2018
સોમ મંગળ બુધ ગુરુ F શનિ રવિ
« એપ્રિલ    
1234567
891011121314
15161718192021
22232425262728
293031  

Disclaimer:

© અહીં રજૂ કરેલ કૃતિઓના કોપીરાઇટ્સ-હક્કો જે તે રચનાકારના પોતાના છે. આ બ્લોગ પર અન્ય કવિઓની જે રચનાઓ પોસ્ટ કરી છે, એને લીધે જો કોઇના કોપીરાઇટનો ભંગ થયેલો કોઇને લાગે અને મને જાણ કરવામાં આવશે, તો તેને સત્વરે અહીંથી દૂર કરીશ. પણ મને આશા અને શ્રદ્ધા છે કે સૌ સર્જકો અને પ્રકાશકો તેમ જ તેમના વારસદારો ગુજરાતી ભાષાના પનોતા સંતાનોને માટે વિશ્વ-ગુર્જરી સમાજમાં સભાનતા કેળવવાના આ નિસ્વાર્થ પ્રયત્નોને હૃદયપૂર્વક ટેકો આપશે અને બીરદાવશે. ۞ Disclaimer : This blog is not for any commercial purposes. The entries posted on this blog are purely with the intention of sharing personal interest in gujarati literature/sahitya without any intention of direct or indirect commercial gain.
free counters